चैत्र २३,काठमाडौं। नेपाल बार एशोसिएशनको २७ औं केन्द्रिय कार्यसमितिको निर्वाचनको लागी मतदान शुरु भएको छ। २५ सदस्यीय कार्यसमितिको लागी देशभरका ३६ मतदान केन्द्रमा मतदान भईरहेको निर्वाचन समितिले जनाएको छ।
कुल ९ हजार ९ सय ९७ मतदाताहरुले बारको नयाँ केन्द्रिय कार्यसमिति चयनको लागी मतदान गर्दैछन्।
यसपटकको निर्वाचनमा प्रगतिशील तथा पेशागत कानुन व्यवसायी सङ्गठन (पीपीएलए) र डेमोक्रेटिक लयर्स एसोसिएसन (डीएलए) बिच गठबन्धन भएको छ । यसलाइ एनडिएलएले समर्थन गरेको छ।सो समूहबाट अध्ययको नेतृत्व डीएलएबाट वरिष्ठ अधिवक्ता प्राडा विजयप्रसाद मिश्रले गरेका छन् भने पीपीएलएका वरिष्ठ अधिवक्ता केदार प्रसाद कोइराला महासचिवका उम्मेदवार छन् ।
यसैगरी गणतान्त्रिक कानुन व्यवसायी सङ्गठन (आरपीएलए), स्वतन्त्र कानून व्यवासायी संगठन र एसपीएलए मिलेर आरपीएलएका वरिष्ठ अधिवक्ता रमनकुमार श्रेष्ठ अध्यक्षका उम्मेदवार छन् भने स्वतन्त्र कानून व्यवासायी संगठन बाट अधिवक्ता यज्ञमणि न्यौपाने महासचिवका उम्मेदवार छन् ।
यसैगरी अध्यक्षमा स्वतन्त्र रुपमा अधिवक्ताहरु राजु कैति, उज्ज्वल घिमिरे र आशिस पौडेल उम्मेदवारी दिएका छन्।
यसैगरी महासचिवमा अधिवक्ता हरिशरण कार्कीले स्वतन्त्र उम्मेदवारी दिएका छन् ।
स्वतन्त्र सदस्यहरुमा महिला तर्फ अधिवक्ता मन्दिरा अधिकारी र खुला सदस्य तर्फ अधिवक्ता शिवलाल दहाल रहेका छन् ।
