चैत्र २, काठमाडौं। उपभोक्ता अदालतको एक समारोहका विच उद्घाटन गरिएको छ। शनिबार विश्व उपभोक्ता दिवसका अवसरमा त्रिपुरेश्वरस्थित उद्योग विभाग परिसरकोमा उपभोक्ता अदालतको स्थापना संगै उद्घाटन गरिएको हो ।
प्रधानन्यायाधीश प्रकाशमान सिंह राउतले अदालतको एक समारोहका विच उद्घाटन गरेका छन् । उक्त अदालत चैत्र ३ गते देखि सञ्चालनमा आउनेछ ।
प्रधान न्यायाधीश राउतले वस्तु तथा सेवा गुणस्तरको मानकका लागि उपभोक्ता अदालत उपयुक्त भएको बताए । राउतले उपभोक्ता अधिकार वस्तु तथा सेवाको गुणस्तरसँग सामीप्य राख्ने एउटा कानुनी औजार भएको तर यसलाई हेर्दै जाँदा यसको क्षेत्र नै नभएको र आम उपभोक्ताको सन्तुष्टिको कुरासम्म पुगेको उल्लेख गरे। उनले भने, ‘अर्कोतिर गुणस्तर हित वस्तु तथा बिक्री वितरण बढ्दो छ । जसका कारण थुप्रै उपभोक्ता पीडित हुन परेको छ ।’
गुणस्तरीय वस्तु तथा सेवामा पीडित उपभोक्ताको चाँडै न्यायिक निरूपण हुने दाबी गर्दै यस अदालतमा मेडिकल नेग्लिजेन्सदेखि इन्जिनियरिङसम्मका मुद्दा यस अदालतका विषय रहने बताए ।
सरकारले संविधानको धारा ४४ को मौलिक हक कार्यान्वयन गर्न २०७५ सालमा उपभोक्ता संरक्षण ऐन जारी गरेको थियो। उक्त ऐनमा उपभोक्ता अदालत गठन गर्ने व्यवस्था थियो । ऐन जारी भएको ६ वर्ष पछी अदालत स्थापना र उद्घाटन गरिएको हो ।