फोटो साभारः सामाजिक संजालबाट
माघ २, काठमाडौं। काठमाडौं जिल्ला अदालतले सहकारी ठगीमा पक्राउ परेका राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई ६० लाख धरौटीमा छोड्न आदेश गरेको छ ।
जिल्ला अदालतका न्यायाधीश माधवप्रसाद अधिकारीको इजलासले यस्तो आदेश दिएको हो । काठमाडौंको स्वर्णलक्ष्मी सहकारीको रकम अपचलन गरेको मुद्दामा लामिछानेलाई धरौटीमा छोड्न काठमाडौं जिल्ला अदालतले आदेश दिएको हो । आइतबार अदालतमा उपस्थित भएका लामिछानेको बयान र थुनछेक बहस सकिएसंगै अदालतले धरौटीमा छोड्ने आदेश गरेको हो ।
यसअघि कास्की जिल्ला अदालतले उनलाई ६५ लाख धरौटीमा छोड्न आदेश दिएको थियो ।
प्रकाशित मिति : २०८१ माघ २ गते बुधबार