जेठ ६, काठमाडौं। बैंकिङ कसूर तथा सजाय (दोस्रो संशोधन) ऐन, २०८२ को व्यवस्थाबमोजिम बैंकिङ कसूर मुद्दामा संशोधित व्यवस्था बमोजिम ५% मात्र जरिवाना हुनेगरी मोरङ जिल्ला अदालतले आदेश गरेको छ।
मोरङ जिल्ला अदालतका न्यायाधीश पारसमणि पोखरेलको इजलासमा प्रतिवादी नितु शर्माले ‘संशोधित कानून बमोजिम जरिवानामा सुविधा पाउँ’ भनी पेश गरेको निवेदनमाथि सुनुवाई गर्दै संशोधित ऐनको दफा १५ मा भएको संशोधित व्यवस्था बमोजिम उक्त आदेश भएको हो।
‘‘चेक अनादर भएको प्रमाणित भएमा चेक जारी गरी दिने खातावालाबाट धारकलाई बिगो बमोजिमको रकम तथा सो रकममा चेक जारी गरेको मितिदेखि रकम भराएको मितिसम्म प्रचलित कानून बमोजिमको ब्याज समेत भराई चेक जारी गरी दिने खातावालालाई बिगोको पाँच प्रतिशत जरिवाना हुनेछ’’ भन्ने दफा १५ मा भएको संशोधनले ५% जरिवाना कायम भएको हो ।
अदालतको आदेशः
प्रकाशित मिति : २०८२ जेठ ६ गते मंगलबार
