९ साउन, काठमाडौ। राष्ट्रपति रामचन्द्र पौडेलले संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६ लाई संशोधन गर्न बनेको विधेयक प्रमाणिकरण नगरी फिर्ता पठाएका छन्।
संघीय संसदबाट पुन: गहन अध्ययन, छलफल, विमर्श र विश्लेषण सहित पुनर्विचार गर्न आवश्यक रहेको औल्याउदै ८ गते बिहीबार उक्त विधेयक उत्पति भएको सदन प्रतिनिधि सभामा फिर्ता पठाइएको राष्ट्रपति कार्यालयका प्रवक्ता शैलजा रेग्मी भट्टराई जानकारी दिइन्।
विज्ञप्तिमा भनिएको छ “राष्ट्रपति श्री रामचन्द्र पौडेलज्यू समक्ष प्रतिनिधि सभाका सम्माननीय सभामुखज्यूबाट प्रमाणित भई नेपालको संविधानको धारा ११३ को उपधारा (१) बमोजिम प्रमाणीकरणका लागि पेश हुन आएको संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन, २०६६ लाई संशोधन गर्न बनेको विधेयकको दफाहरूको सम्बन्धमा संघीय संसदबाट पुन: गहन अध्ययन, छलफल, विमर्श र विश्लेषण सहित पुनर्विचार हुन वाञ्छनीय भएकोले नेपालको संविधानको धारा ११३ को उपधारा (३) बमोजिम सन्देश सहित उक्त विधेयक सम्माननीय राष्ट्रपतिज्यूले विधेयक उत्पति भएको सदन प्रतिनिधि सभामा फिर्ता पठाउनु भएको छ”।